Li Minbicê mîhrîcana sporê dest pê kir

Bi sedan şêniyên bajarê Minbicê û gundewarên wê li Stada Beledî ya navenda bajêr kom bûn û tev li mîhrîcana duyemîn a spore (werzîş) bûn. Mîhrîcan bi boneya salvegera 3`yemîn a damezirandina Rêveberiya Sivîl a Minbicê tê lidarxistin.

Îro di saetên sibê de mîhrîcan bi beşdarbûna şêniyên bajêr, endam û rêveberên saziyên Minbicê, şandeyek ji Rêveberiya Xweser a Bakur û Rojhilatê Sûriyê dest pê kir. Di mîhrîcanê de dê axaftin werin kirin. Her wiha dê çalakiyên spor, huner, stran û govendên gelêrî werin pêşkêşkirin. Komên tev li mîhrîcanê bûne dê di dawiyê de werin xelatkirin.

Tê zanîn ku Rêveberiya Sivîl Minbic û Gundewarên Wê di 12`ê Adara 2017`an de hat damezirandin (piştî çend mehan ji rizgarkirina bajêr ji çeteyên DAIŞ`ê di 12`ê Tebaxa 2016`an de) ji aliyê Meclisa Leşkerî ya Minbicê û QSD`ê ve.

(bx)

ANHA

<iframe width="560" height="315" src="https://www.youtube.com/embed/r07azSroc0I" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>