Şaredariyên Til Birakê projeyên xwe destpêka salê pêşkêşî Komîteya Şaredariyan kirin

Îro Komîteya Şaredariyan û Parastina Jîngehê şaxê Qamişlo li navenda meclisa navçeyê civînek ji şaredariyên gel ên naveçeya Til Birakê re li dar xist. Hevserokên komîteyê Şervîn Şaqo û Mesûd Yûsiv, cîgirê Desteya Rêveberiya Bajêr şaxê herêma Cizîrê Xesan Abid, Meclisa Navçeya Til Birakê, meclisên şaredariyan û şaredariya gel şaxê navçeya Til Birakê beşdarî civînê bûn.

Komîteya Şaredariyan û Parastina Jîngehê şaxê kantona Qamişlo di civînê de projeyên destpêka salê diyar kirin. Di civînê de şaredariya gel şaxê navçeya Til Birakê û şaredariyên pê ve girêdayî (Şaredariya Simêhan, Şaredariya Himêdî û Şaredariya El-Sibeyîx) projeyên xwe pêşkêşî komîteyê kirin. Proje ji gelek projeyên xizmetguzariyê pêk tên û tê payîn ku proje di her sê mehên destpêka salê de werin pêkanîn.

Di heman demê de di civînê de bal kişandin ser girîngiya bicihkirina daxwazên gel û dê li gorî erdnîgariya herêmê rê werin vekirin, avê bikişînin navçeyê, sererastkirina kanalîzasyon û projeyên din bên çêkirin. Tê payîn ku di zûtirîn demê de lêçûna projeyên şaredariyên Til Birakê were diyarkirin.

(eh)

ANHA