Li Çilaxa meşa ji bo eşkerekirina tenduristiya Ocalan

Bi hezeran şêniyên bajarokê Til Koçer û navçeya Çilaxa ya kantona Qamişlo ji bo eşkerekirina rewşa tenduristiya Rêber Abdullah Ocalan û ji bo parêzerên wî karibin hevdîtinê bi wî re pêk bînin, daketin qadan.

Meş ji Qada Azadî ya navçeya Til Koçerê dest pê kir. Di meşê de wêneyên rêber Abdullah Ocalan û pankartên bi nivîsên "Têkoşîna me azadî ye û berxwedana me serketin e" hatin hildan.

Meş li navenda navçeyê veguherî mêtîngê. Di mêtîngê de endamê rêveber ê Meclisa Malbatên Şehîdan Qehreman Mihemed axivî û got:"Em komploya navnetewî ya li dijî rêberê mirovahiyê Abdullah Ocalan şermezar dikin. Her wiha ji tevahî cîhanê re dibêjin, em şagirtin rêber Ocalan in. Em ê heta dilopa xwîna xwe ya dawî li ber xwe bidin."

Mihemed îşaret bi projeya neteweya demokratîk kir û ev tişt anî ziman:"Em îro bi felsefeya rêberê xwe dijîn. Bi saya firkên wî û projeya neteweya demokratîk em li Bakur û Rojhilatê Sûriyê bi ser ketin."

Mihemed di dawiya axaftina xwe de pişterast kir ku heta derfetê bidin parêzerên rêber Ocalan û rewşa tenduristsiya wî were diyarkirin ew dê berxwedana xwe dewam bikin.

Mêtîng bi dirûşmên şermezarkirina hikumeta Tirk û bilindkirina asta berxwedanê bi dawî bû.

(bx)

ANHA