Bi berherêmên herêmî bazarê geş dikin

Gerînendeya Çandiniyê ya girêdayî Desteya Aborî ya herêma Firatê hewl dide bi rêya berhemên herêmî yên mîna medcene, depoyên xwarinê û avakirina baxçeyên sergirtî sûka zebzeyan pêş bixîne.

Girêdayî mijarê hevserokê Komîteya Çandiniyê ya navçeya Kobanê Mehmûd Kîko diyar kir ku 4 hektar erdê çandiniyê ji baxçeyên sergirtî re hatiye veqetandin û got: " Me gelek cûre zebze çandine mîna firingî, bacanê reş û xiyar. Di rojên bê de heger rewşa hawayê baş be emê daxînin sûkan."

Kîko anî ziman ku armanca ji baxçeyên sergirtî geşkirina sûkê bi madeyên xwarinê û sivikkirina barê welatiyan e.

Mehmûd Kîko diyar kir ku nirxên van madeyan li gorî sûkê wê kêmtir be û wiha domand: "Em hewl didin bi vê yekê rê li ber keysbaziya bazirganan bigirin û li şûna girtina madeyan ji derve rêgeza xwetêrkirinê pêş bixînin."

Li gorî agahiyên ku me ji kesên di baxçeyên sergirtî de dixebitin, girtine; Di baxçeyên sergirtî de 10 hezar şitlên firingiyan, 16 hezar şitlên bacanê reş û derdora 8 hezar şitlên xiyaran hene.

Rêjeya berhemdayîna baxçeyên sergirtî li gorî rewşa hewa û bilindbûna û daketina germê ye.

ANHA