Ji ber rewşa hewayî vegera 35 malbatên koçber taloq bû

Rêveberiya kampa Holê ji ber rewşa hewayî ya nebaş û girtina rêyên sereke li herêmê, şandina beşeke din ji koçberên Sûriyê ji bo bajarên wan, taloq kir.

NÛÇE

13 sibat, 2020 11:43

NAVENDA NÛŞEYAN- EHMED MIHEMED

Rêveberiya Xweser a Bakur û Rojhilatê Sûriyê vegera koçberên ku dixwazin vegerin bajarên xwe, bi rêxistin dike.

Dihat payîn ku rêveberiya kampa Holê beşeke din ji koçberên ji Reqa û Tebqayê vegerîne bajarên wan. Lê ji ber rewşa hewa ya nebaş û barîna zêde ya berfê, hate taloqkirin.

Li gorî biryara Rêveberiya Xweser a Bakur û Rojhilatê Sûriyê û piştî bidawîkirina kaxizên pêwîst û garantiya êlên eşîran, koçberên kampa Holê dikarin vegerin bajarên xwe.

Dihat payîn ku 35 malbatên koçber ên ji Reqa û Tebqayê di gera vegerê ya 12`emîn de ku Rêveberiya Xweser a Bakur û Rojhilatê Sûriyê bi rêxistin dike, vegeriyana bajarên xwe. Lê belê gera vegerê hat taloqkirin heta ku rewşa hewa baş dibe û rêyên sereke yên diçin her du bajaran bikevin xizmetê.

Rêveberiya kampa Holê gera 11`emîn a koçberên ji Dêrazorê di 2`ê Çileya 2020`an de bi rêxistin kiribû.

(cx)

ANHA