Li ser zimanê şahidekî binpêkirinên li Efrînê têne kirin

Binpêkirinên dagirkeriya Tirk û çeteyên wê yên li dijî sivîlên kantona Efrînê ya dagirkirî didomin. Ji ber van binpêkirinan bi hezaran şênî neçar man ku ber bi kantona Şehbayê ve koçber bibin.

3 sibat, 2020 07:50

ŞEHBA – FÎRAS ÎBRAHÎM

Malbateke efrînî piştî du salan di bin zulma dagirkeriyê de man, her tiştên xwe li dû xwe hişt û xwe li kantona Şehbayê girt.

DIZÎ Û TALANKIRIN BERDEWAM E

Welatiyê bi navê Hesen Ebdo Bîlal ji navçeya Raco ya kantona Efrînê ye. Hesen ê hevjîn û pitikek wî heye, destpêka dagirkirina Efrînê nedikarî ji navçeyê derkeve. Şahidiya binpêkirinên dagirkeriya Tirk û çeteyên wê kir.

Bîlal diyar kir ku wî şahidê kêliyên destpêkê yên dagirkirina Efrînê kir û got: “Dagirkeran destpêkê deriyên dukanan şikenandin û tiştê tê de dizîn, her wiha girtin ser mala wî û her tiştên tê de talan kirin.

MÎT A TIRK EW NEÇAR KIRIN KU ÎTRÎFA BIKE

Hesen di nava du salan de li Efrînê ji aliyê îstîxbarata Tirkiyê û çeteyên wê ve bi hinceta ku têkiliyên wî bi YPG‘ê re hene, hate girtin.

Bîlal got: "Ji bo ku min bitirsînin û min neçar bikin fîdyeyê bidim wan ez girtim. Ez 3 mehan di girtîgeha navendî de mam. Her cure îşkence l imin kirin. Digotin li xwe mikur were ku te endam û çeteyên artêşa Tirk kuştin e. Wisa dikirin ku ez fîdyeyê bidim.”

Hesen Bîlal beriya ku ji Efrînê derkeve bi çend mehan careke din ji aliyê çeteyên "Ehrar El-Şerqiyê" ve bi hinceta ku danûstandinên wî bi YPG‘ê re hene hate girtin û ew birin girtîgeha Maratê ya navendî.

Hesen rojên tarî ku li Efrîna dagirkirî derbas kirine, alozî, teqîn, kuştin, revandin û talankirina milkên sivîlan vedibêje.

Bîlan got: "Malbatên çeteyan ên ji Xotayê şêniyên Efrînê neçar dikin ku malên xwe terik bikin û kirinên ne exlaqî belav dikin. Bikaranîna madeyên hişbirê eşkere belav bûye. Rewşa jiyanî ya şêniyan nebaş e, buha bilind bûye û sotemenî kêm e."

Hesen anî ziman ku tu kes nikara pêwîstiyên xwe yên rojane û derbara malbata xwe bi cih bîne ji ber ku çeteyan şêniyan asteng dike û dukandaran neçar dikin ku tev lî karên wan bibin. "

Bîlal bang li rêxistinên mafên mirovan kirin ku destwerdanê bikin û sînorekî ji binpêkirinên dagirkeriya Tirk û çeteyên wê re deynîn û hesab ji wan bixwaze.

ANHA