HPC jî li kêleka hêzên ewlehiyê parastina civakê dike

Bi destpêkirina êrîşên dewleta Tirk a dagirker li ser xaka Sûriyê di 9`ê Cotmeha derbasbûyî de, hêzên ewhiyê ji Hêzên Ewlehiya Hundirîn (Asayîşê), daîreyên ewehiyê û Hêzên Parastina Civakî jî di nav de, ji bo parastina ewlehiyê û aramiyê seferberî raghihandin û li nava komelgehên niştecîbûnê, tax û kolanan belav bûn û dest bi parastina mal û milkên taybet û giştî kirin.

Li navçeya Eyn Îsa wek herêmên dîtir, Hêzên Parastina Civakî bi şev û roj ger û dewriyeyan li nav tax û cihên niştecîbûnê dest pê dikin, xalên kontrolê avadikin û xebatên parastinê pêk tînin.

Di vê çarçovê de, ajansa me ANHA`ê xebatên endamên Hêzên Parastina Civakî di ber çavan re girtin.

Ji endamên HPC`ê Salih Osman wiha got:`` Em çavên parastina Eyn Îsa ne, li kêleka hêzên parastina aramî û ewlehiyê tevlî xebatên parastinê dibin û bi şev û roj bi armanca parastina ewlehiyê xalên kontirolê ava dikin.``

Osman bal kişande ser wê yekê ku ew bi şevê xebatên xwe zêde dikin û liv û tevgeran di ber çavan re digrin.

Hêzên HPC`ê ji şêniyên herêmê pêk tên û bi awayekî dilsozî tevdigerin û li kêleka hêzên dîtir êm ewlehiyê parastina kes û civakê dikin.

(rr)

ANHA