Sersaxî ji malbata şehîd Heqî re hate xwestin

Şêniyên kantonên Efrîn û Şehbayê ji malbata şehîdê HRE‘yê Hesen Îso (Heqî Qerar) re sersaxiyê xwestin.

NÛÇE

10 tebax, 2019 16:32

ŞEHBA

Bi sedan şêniyên kantonên Efrîn û Şehbayê ji bo şervanê Hêzên Rizgariya Efrînê Hesen Îso (Heqî Qerar) yê 9‘ê Tebaxê di Berxwedana Serdemê de li gundê Merenz ê navçeya Şerayê ya kantona Efrînê şehîd bûbû sersaxî xwestin .

Konê sersaxiyê li navçeya Fafînê ya kantona Şehbayê hate vedan. Di bin kon de merasîmeke hate lidarxistin û bi deqeyeke rêzgirtin dest pê kir.

Bi navê Meclisa Malbatên Şehîdan Mehmûd Aqîbe, bi navê Meclisa Kantona Efrînê Mihemed Ebdo û bi navê Meclisa Kantona Şehbayê Selwa El-Hemed axivîn.

Kesên axivîn sersaxî ji malbata şehîd Heqî re xwestin û gotin, şehîd Heqî bi têkoşîna xwe ya l dijî dagikeran bû sembola berxwedan û têkoşînê.

Her wiha hate gotin ku bi ked û berxwedana şehîdên dê herêmên dagairkirî ji sûcdar Erdogan werin rizgarkirin.

Piştî axaftinan nasnameya şehîd ji aliyê endamê Meclisa Malbatên Şehîdan Demhat Mihemed ve hate xwendin û radestî malbata wî hat kirin.

Merasîm bi dirûşmeyên dilsoziya bi şehîdan re bi dawî bû.

ANHA