Şaredariya Minbicê du rêyên nû vekirin

Şaredariya Gel a Minbic û gundewarên wê projeyên ziftkirina rêyan ku di meha borî de dabû destpêkirin didomîne. Şaredarî jî di vekirina du rêyên nû, rêya herêma Ceyş Şabî û rêya Garca Bolman a li taxa Hezwna  dixebite.

Rêyên ku werin vekirin yek a kolana Ebas û Otostrada sereke ya bajarê Minbicê bi hev girê dide û rêya din jî taybet ji bo garanca Bolmanan a nû ye ku Şaredarî hewl dide di meha bê de veke.

Tê zanîn ku rêya kolana Ebas û Ostostrada sereke di zivistanî de ji ber kombûna avê û heriyê nayê bi kar anîn. Ji ber vê yekê li deriyê ketina başûr a bajarê , çerxerêya şehîdan qarebalex çêdibe.

Hevserokê Şaredariya Gel a Minbic û Gundewarên wê Qasim Ebûd diyar kir ku gelek proje ji bo vekirina rêyên nû li bajarê hene û destnîşan kir ku lêçûna rêya herêma Ceyş Şabî gihişt 13 milyon lîreyên Sûrî, Şaredariyê ji sedî 50 projeyên ziftkirina rêyan pêk anî û dê rêya nû zift bike.

Ji şêniyên taxa Hezwaniyê ya bajarê Minbicê Mihemed El-Ehmed El-Harûn rêya nû dê bi awayekî mezin xizmeta şêniyan bike û destnîşan kir ku xaniyên bêserûber ên li ser rê hatine avakirin dê beşên jê werin rakirin da ku erebe karibin derbas bikin. Mihemed El-Ehmed her wiha bi bîr xist erebe di çerxereya şehîdan a têketina başûrî bajêr de diçûn da ku derbasî bajêr bikin.

ANHA