Li Tebqayê madeyên narkotînê hatin şewitandin

Di roja Têkoşîna Narkotînê de, serdozgeriya Tebqayê tibabek ji made, heb û dermanên narkotînê, piştî ku ji aliyê buroya Têkoşînê ya sûcdariyan ku di nava hêzên Ewlehiya Hindirîn a Tebqayê cihê xwe digre, hate kontrolkirin, şewitandin.

NÛÇE

26 hezîran, 2019 13:35

TEBQA

Madeyên ku bi beşariya serdozgeriya Tebqayê, buroya Tenduristiyê ku girêdayî hêzên Ewlehiya Hindirîn û buroya Têkoşîna Sûcdariyê ve hatin şewitandin ji 5 hezar hebên narkotînê (El-Kîbtagon) û 5 kg ji madeya heşîşê pêk dihat. Herwiha ji sedên hebên El-Sodafît, El-Tramadol û El-Zolam pêk dihat.

Têkildarî mijarê endamê Komîteya Lêpirsîn û Giliyan a girêdayî Dîwana Dadgeha Civakî ya Reqayê Fêsel El-Beyrem û endamê rêveberiya Buroya Têkoşîna Sûcdariyê ya girêdayî Tebqayê Hemûd El-Nafia tekez kirin ku heta paqijkirina hemû madeyên metirsîdar û hemû bazirgan cezayên xwe bigirin, dê ev xebat berdewam be.

Hêjayî gotinê ku di dema dagirkeriya çeteyên DAIŞ`ê de, diyardeya standina madeyên hişbir bi aweykî ber biçav belav bûbû. Di vê çarçoveyê de bazirganiya wan êdî bûbû tiştekî normal û bi vê yekê hewla têkbirina exlaqê ciwanên li herêmê dikirin.

(eh)

ANHA