Li herêma Tebqayê paneleke çandî hate organîzekirin

Bi armanca pênasekirina rewşa çandê, asta tevgera çandê, armancên wê yên erênî û neyînî di civakê de û palansaziya pêşerojê û awayê derbaskirina neyîniyan, komîteya Çand û Hunerê û Yekîtiya Rewşenbîran li navenda Çand û Hunerê ya bajarê Tebqayê panelek organîze kir. Panel di rêzgirtinê dest pê kir, paşê girîngiya pênasekirina rola reşenbîr di avakirina civak û jîngehê de hate vegotin.

Di panelê de, rewşenbîran rola rewşenbîrê azad û rewşenbîrê şelaf dan zanîn. Di vê çarçoveyê de beşdaran rewşa çandê li herêmê Tebqayê bi awayekî hûrbînî gotubêj kirin û nexasim di qonaxên aşitî û şer de.

Her wiha di panelê de, mijara qezenckirina rewşenbîrên li herêmê, naskirina asta çanda li herêmê heyî, awayê derbaskirina kêmanî û şaştiyên tê de heye û destpêkirina projeyekî çandî nû hate gotubêjkirin. 

Tê zanîn ku li herêma Tebqayê piştî  damezrandina Yekîtiya Rewşenbîran a Tebqayê, cara yekemîn e ku panelek wiha tê lidarxistin.

Di vê derbarê Hevserokê Yekîtiya Rewşenbîrên bajarê Tebqayê Usama Înad got: "Me ev sernav (Rewşa çandî li herêma Tebqayê) hilbijart, ji ber ku xwedî girîngiyeke cihêwaz e û alîkariya me di avakirina civaka wêranbûyî de dike, ji ber vê yekê me rola rewşenbîran di belavkirina çandê li civakê û jîngehê, da diyarkirin."

Usama di dawiya axaftina xwe got:"Em hewl didin di nava çend rojan şebuhêrkên helbestî were çêkirin, her wiha gelek panelên wiha werin tevgerkirin.”

 (eh/kc)

ANHA