Rêveberiya Giştî ya Sotemeniyê hat avakirin

Meclisa Rêveber a Rêveberiya Xweser a Bakur û Rojhilatê Sûriyê bi civînekê Rêveberiya Giştî ya Sotemaniyê ava kir.

10 hezîran, 2019 14:38

EYN ÎSA

Di civîna ku li avahiya Desteyên Rêveberiya Xweser a li navçeya Eyn Îsayê hatibû lidarxistin de hevserokatiya Meclisa Rêveber Ebd Hamid El-Mihbaş û Bêrîvan Xalid û cîgirên wan, Hevseroka Desteya Malî Selwa El-Seyid û nûnerên hemû komîteyên sotemaniyê yên herhefet rêveberiyên xweser û sivîl ên Bakur û Rojhilatê Sûriyê amade bûn.

Civîn bi nirxandina raporên hemû rêveberiyan destpê kir û ji bo çareserkirina astengiyan pêşniyar hatin pêşkêşkirin.

Piştre, Meclisa Rêveber, Rêveberiya Giştî ya Sotemeniyê li ser asta herêmên Rêveberiya Xweser a Bakur û Rojhilatê Sûriyê ava kir. Komîteyên sotemeniyê yên herhefet rêveberiyên xweser û sivîl girêdayî Rêveberiya Giştî ya Sotemaniyê ne.

Di dawiya civînê de, rojeke ji bo civîna mehan a bi Meclisa Rêveber re hate diyarkirin.

Rêveberiya Giştî ya Sotemeniyê ji "Buroya Çandinî, Pîşesazî, Xizmetguzarî û Veguhestin, Çavdêrî, Malî, Gaza malan û Buroya Dîwan " pêk tê".

ANHA