Li Zirganê bi hezaran li dijî binpêkirinên Tirkiyê li Efrînê meşiyan

Bi diruşma "Em ê berxwedanê mezin bikin, dîwar hilweşînin û Efrînê rizgar bikin" îro bi hezaran şêniyên kantona Hesekê (Serêkaniyê, navçeyên Til Temir, Dirbêsiyê û Zerganê) ji bo şermezarkirina lêkirina dîwarê parçekirina Efrînê ji Sûriyê ji aliyê dewleta Tirk a dagirker meşeke girseyê li navçeya Zirganê li dar xistin.

Meş ji ber Stada Şehîd Rûbar a navçeya Zerganê dest pê kir. Meşvanan posterên Rêberê Gelê Kurd Abdullah Ocalan, alên Kongreya Star û pankartên bi nivîsên "Zarokên Efrînê rizgar bikin, ka wijdanê mirovahiyê" hilda bûn û diruşmên şermezarkirina kiryarên dagirkeriya Tirk berz kirin.

Meş li ber qada Mizgefta Mezin ku dikeve ya avenda navçeyê rawestiyan, li vir deqeyeke rêz hate girtin û axaftin hatin kirin.

Li ser navê Koordînasyona Kongerya Star a Kantona Hesekê Şukriya Mihemd û hevserokê Têkiliyên Dîplomatîk ê Partiya Yekîtiya Demokrat (PYD) a şaxê Hesekê Ciwan Îso axivîn.

Kesên axivîn binpêkirinên dagirkeriya Tirkiyê li Efrînê û lêkirina dîwarê parçekirina Efrîn ji Sûriyê, her wiha tecrîda li ser Rêberê Gelê Kurd Abdullah Ocalan şermezar kirin.

Kesên axivîn bêdengiya raya giştî ya cîhanê ji rewşa girtiyan û çalkgerên grevên biçîbûnê şermezar kirin.

Di axaftinan de hate gotin ku bûyerên ku li Efrînê rû dide, komployeke dagirkirin e, armanc jê ew e ku Efrîn tevlî Tirkiyê bike. Her wiha hate destnîşankirin ku  "Xwîna şehîdan ku xaka Efrînê avdan wê wekî sembol bimîne, em gav paş de navêjin û radest nabin, em ji dagirkeran re dibêjin ku xeyalên dagirkeran pêk nayên."

Kesên axivîn berxwedana şervanên QSD‘ê ya li dijî terorê û rizgarkirina Bakur û Rojhilatê Sûriyê ji çeteyên DAIŞ‘ê silav kirin.

Xwepêşandan bi sloganên silavkirina berxwedana Efrînê û banga yekîtiya gelê Sûriyê bi dawî bû.

(fr/eh)

ANHA