Amadekariyên lidarxistina Kongreya Civaka Îslamî ya Demokratîk

Buroya Olan û Baweriyan a Bakur û Rojhilatê Sûriyê amadekariya Kongreya Civaka Îslamî ya Demokratîk dike. Dê kongre di 27-28’ê Nîsanê de li bajarê Amûde pêk bê. Buro niha hewl dide amadekariyên xwe bi dawî bike.

Kongre dê 2 rojan bidome. Di roja yekemîn de beşdar dê mijara pênasekirina îslama rast û vegerandina wê ji jêderên safî re nîqaş bikin. Roja duyemîn dê taybet a 300 endamên bingehîn be, dê rêziknameya kongreyê were xwendin û serokê Kongreya Îslamî were hilbijartin.

Dê 800 kesayetên îslamî ji hundir û derveyî Sûriyê, di nav de 300 delegeyên saziyên olî, beşdarî kongreyê bibin.

Hevseroka Buroya Olan û Baweriyan a Rêveberiya Xweser a Bakur û Rojhilatê Sûriyê Ezîze Xenafêr destnîşan kir ku armanca wan a sereke ji lidarxistina kongreye ew e ku pênasekirina îslama rast, vegerandina wê ji jêderên wê yên safî û zuhakirina kaniyên fikrên tundraw a ku çeteyan bi navê îslamê  li herêmê çandine.

Ezîze hêvî kir ku kongre rolekê di jinûvesazkirin û sererastkirina îslamê de bilîze piştî ku ji hêla komên çete ve hatiye şewihandin. Ezîze got: “Kongre li gel têkçûna DAIŞ`ê ya ku bi navê îslamê sivîl kuştin û koçber kirin, li dar dixin.” 

Hêjayî bibîrxistinê ye ku ev kongre ya sêyemîn e, piştî kongreya Amed û Stenbolê.

(şx)

ANHA