Li Eyn Îsa navenda Komîteya Kedkaran hat vekirin

Li navçeya Eyn Îsa Tevgera Civaka Demokratîk bi mersîmekê navenda Komîteya Kedkaran vekir.

NÛÇE

14 nîsan, 2019 12:50

GIRÊ SPÎ

Li navçeya Eyn Îsa Tevgera Civaka Demokratîk (TEV-DEM) bi merasîmekê navenda Komîteya Kedkaran vekir. Hevseroka Kar û Barên Civakî Bêrîvan Hesen, cîgirên serokatiyê Behyedîn Elî û Sultane Hisên, nûnerên TEV-DEM`ê, nûnerên Komîteya Kedkaran a Herêma Firatê û endamên komîte û saziyên navçeya Eyn Îsa beşdarî merasîma vekirina navendê bûn.

Di merasîma vekirina navendê de hevserokê Komîteya Aborî ya navçeya Eyn Îsa Salih Xidir, hevseroka Meclisa TEV-DEM`ê li kantona Kobanê Şêrîn Osman û hevseroka Komîteya Kedkaran a herêma Firatê Jiyan Derwîş axivîn.

Di axaftinan de vekirina navenda Komîteya Kedkaran li navçeya Eyn Îsayê hate pîrozkirin û hat destnîşankirin ku komîte mafên kedkaran mîsoger dike. Di dawiyê de deriyê navendê ji aliyê malbatên şehîdan ve hat vekirin.

Hêjayî bibîrxistinê ye ku piştî Kobanê, Girê Spî û Sirînê li navçeya Eyn Îsa navenda Komîteya Kedkaran hate vekirin. Erka komîteyê ew e ku karê karkeran bi rêxistin bike û parastina mafên wan bike.

(bx)

ANHA