Bi navê şehîd Egîd Çîlo pêşangehek vebû

Di pêşangehê de ku îro li Dibistana Hitîn hate lidarxistin, şêniyên bajarê Qamişlo, mamosteyên zimanê kurdî, hevseroka Desteya Perwerde û Fêrkirinê ya Herêma Cizîrê Semîra Hac Elî amade bûn. Armanca pêşangehê derxistina behreyên mamosteyan e.

Wêneyên ku di pêşangehê de tên pêşandan, balê dikêşin ser xweza, jin, çand û mîrasa herêmê, êşa gel û keda şehîd Egîd Çîlo û berxwedana têkoşer Leyla Guven.

Wênesaz Samir Kalo ku bi 5 tabloyan beşdarî pêşangehê bû, da zanîn ku armanca pêşangehê derxistina behreyên mamosteyan e û wan derbasî xwendekaran bikin, her wiha êşa gelê Kurd, çand û folklora kurdî û xweza û xweşikiya Kurdistanê derxin pêş.

Deriyê pêşangehê dê li pêşiya xwendekaran vekirî be û dê tablo li Dibistana Hitîn a bajarê Qamişlo bimînin û tê payîn ku di pêşangehê de xwendekaran li ser çawaniya xêzkirina wêneyan fêr bikin. 

Ji bo rûmetdayîna keda şehîd Egîd Çîlo ku yek ji mamosteyên zimanê kurdî li herêmên Bakur û Rojhilatê Sûriyê bû, jiyana xwe ji bo xizmetkirina gelê xwe derbas kir û zêdetirî 27 salan ji bo pêşxistina zimanê kurdî tê koşiya û di 13`ê Sibata 2019`an de dema ku bi erka xwe radibû bi qezayê şehîd bû, ji ber vê yekê navê wî li pêşangehê hate kirin.

(jo)

ANHA