Li Qamişlo serkeftina QSD’ê bi şahiyek heybet hat pîrozkirin

Bi beşdarbûna bi hezaran şêniyan, şervanên YPG, YPJ û Hêzên Erka Xweprastinê, pîrzobahiya serkeftina QSD‘ê ya li dijî DAIŞ‘ê li Stada 12‘ê Adarê ya bajarê Qamişlo hate lidarxistin.

28 adar, 2019 14:57

QAMIŞLO

Îro li Stada 12‘ê Adarê ya bajarê Qamişlo bi beşdarbûna bi hezaran şervanên YPG, YPJ û Hêzên Erka Xweparastinê û şêniyên bajêr serkeftina QSD‘ê hate pîrozkirin. Ji bo parastinê Hêzên Ewlekariya Hundirîn, Trafîkê, Hawarê, Heyva Sor a Kurd amade bûn. Pîrozbahî bi dirûşmeya "Me biryar da û em bi ser ketin" hate lidarxistin.

Qada şahiyê bi wêneyên şehîdan, Rêberê Gelê Kurd Abdullah Ocalan, têkoşer Leyla Guven, alên YPG, YPJ û Tevgera Civaka Demokratîk (TEV-DEM) hate xemilandin.

Şahî bi turaneke leşkerî ji hêla şervanên YPG û YPJ’ê ve tevî mûzîka Koma Nihasîyê dest pê kir. Her wiha şervan piştî wê li qadê geriyan û alên xwe berz dan.

Şahî bi stranên Koma Amara, Koma Şehba û Koma Botan û gerandina xelekên govendana bi dawî bû, li gel wê diruşmên rizgarkirina Efrînê û rakirina tecrîda girankirî ya li dijî Rêberê Gelê Kurd Abdullah Ocalan û piştevaniya çalakgerên grevên birçûbînê hatin berzkirin.

(fr)

ANHA