Di pîrozbahiyên Newrozê de partiyan banga yekitiyê kir

NAVENDA NÛÇEYAN

Pîrozibahiyên Newrozê li navçeya Dirbêsiyê, herêma Serêkaniyê û navçeya Amûdê didomin. Di pîrozbahiyê de partiyên siyasî nameyeke pîrozbahiyê da.

Li navçeya Dirbêsiyê peyama pîrozbahiyê ji aliyê endamê Partiya Çepgir a Kurdî li Sûriyê Jiyan Hemo ve, li herêma Serêkaniyê bi zimanê kurdî ji aliyê endamê Komîteya Navendî ya Partiya Demokratîk a Kurdî ya Sûriyê Azad Şêxo ve û bi zimanê erebî ji aliyê endamê Tevgera Nûjen a Kurdistanê Rênas Ebdo ve hat xwendin. Her wiha peyama pîrozibahiyê li navçeya Amûdê jî hate xwendin.

Peyama hevbeş a partiyên siyasî wiha ye:

"Em îro Newroza ku sembola azadî, yekitî û berxwedana li dijî zilm û desthilatdariyê ye, di nava dîroka gelê Mezopotamyayê de pîroz dikin. Ji serdema Kawayê Hesinkar û heta roja me ya îro ku bi hezaran Kawa çêbûne û ji bo azadî, wekhevî û mafên rewa yên pêkhateyên gelê Sûriyê canê xwe feda dikin.

Newroza îsal derbas dibe û welatê me yê Sûriyê 8 sal ji şoreşê temam kir. Ew yek di encama kiryarên rejîmê û desthilatdariya wê bi salan, encamên wê jî ku bi sed hezaran qurbanî û zêdetirî wan birîndar bûn û bi milyonan kes ji welatê xwe koçber û penaber bûn. Ev yek jî ji ber kesên ku naxwazin îstiqrar û aştî li welatê me Sûriyê pêk were. Heta niha hîna tu pankartên mirovî ji bo wê yekê bilind nebûne.

Newroza îsal û Bakur û Rojhilatê Sûriyê li ber deriyê serkeftina dîrokî ye li ser rêxistina terorîst li cîhanê ku şervanên YPG, YPJ û QSD`ê teror bi dawî kir. Her wiha şehîdên me destanên lehendiyê pêk anîn û biratî di navbera gelan Kurd, Ereb, Suryan, Aşûr û Tirkman de çêkir. Ji bo parastina axa me xwîna wan ket nav hev. Her wiha heta niha li Rojava û Bakur û Rojhilatê Sûrî xetereya dagirkeriyê dijminên li ser gelan heye, çeteyên ku Efrîn û Bakurê Sûriyê dagir kirin, gefên xwe li ser zarokên ku axa xwe rizgar kir, dixwin.

Bi lehengiya keç û xortên xwe doza Kurd li Sûriyê gihaşt merheleyên pêşketî, gelek deskeftiyên neteweyî bi dest xistin. Bi pêşengiya we ji tecrubeya Rêveberiya Xweser li Bakur û Rojhilatê Suriyê bû nîmûneyeke jiyana hevbeş di navbera hemû pêkhatiyên herêmê de û heta niha jî li ser jiyaneke hevbeş didome.

Bijî Newroza sembola neteweyî, niştîmanî ya berxwedanê û azadî û aştiyê.

Bijî Newroza ku bûye sembola biratî û wekheviya di nav gelan de.”

ANHA