‘Zarokên Efrînê rizgar bikin’

QAMIŞLO

Roja 18’ê Adarê dikeve salvegera yekemîn a dagirkirina kantona Efrînê ji hêla dagirkeriya Tirk û çeteyên wê ve, lê piştî bi dehan komkujî pêk anîn û mafên şêniyên Efrînê binpê kirin. Da ku binpêkirinên artêşa dagirkeriya Tirk wek guhartina demografyaya kantonê, çalakiyên kuştin, dizî, revandin, wêrankirin, koçberkirina bizorê û dagirkirina Efrînê Yekitiya Rewşenbîrên Rojava li pêş navenda Neteweyên Yekbûyî (NY) ya li bajarê Qamişlo, protesto kir.

Endam, rêveberiyên Yekitiya Rewşenbîrên Rojavayê Kurdistanê û xwendekarên Dibistana Mihemed Selîm Xelef a taxa El-Siyahî ji pêş Buroya Yekitiyê ber bi navenda NY’yê ve meşiyan.

Xwendekaran cilên kurdî li xwe kirin û di destên wan de çiqilên zeytûnan, wêneyên zarokên Efrînê yên ku bi balafirên dagirkeriya Tirk di dema êrîşkirina li ser bajarê Efrînê de şehîd bûbûn û li ser nivîsên "Efrîn nasnameya xwînê û ezmûna jiyanê ye" hatibûn nivîsandin û her wiha pankartên bi zimanên erebî, kurdî û îngilîzî hatibûn nivîsandin wekî "Na ji dagirkeriya Efrînê re", "Na ji bêdengiya navneteweyî re der barê sûcên Tirkiyê li Efrînê de ", " Zarokên Efrînê rizgar bikin" û "Efrînê xwîn dirêje û cîhan jî bêdeng e" hildabûn.

Beşdaran dirûşmên bi zimanên kurdî û îngilîzî yên şermezarkirina bêdengiya cîhanî der barê kiryarên dagirkeriya Tirk li Efrînê de berz kirin.

Dema ku beşdar gihîştin pêş Konseya Mafên Mirovan a li bajarê Qamişlo, çend deqeyan ji bo protestokirina binpêkirinên dagirkeriya Tirk ên mafên gel û şêniyên Efrînê û bêdengiya navdewletî, sekinin û dirûşm berz kirin.

(fr)

ANHA