Piştî Feransa, dewletên din jî dixwazin zarokên DAIŞ`ê werbigirin

QAMIŞLO

Berdevkê Buroya Têkiliyên Derve ya Rêveberiya Xweseriya Demokratîk a Bakur û Rojhilatê Sûriyê Kemal Akif li buroya têkiliyan a Qamişloyê daxuyaniyek da.

Kemal Akif got: “5 zarokên ku radestî têkiliyên derve ya Feransa kirin, temenê wan 5 salî bûn. 4 ji wan zarokan li kampa Holê bûn û yek ji wan li gel hin malbatên li herêmê bû.”

Kemal Akif teqez kir ku piştî danûstandin bi nûnerên derve ya Feransa yên li herêmên Bakur û Rojhilatê Sûriyê re,  5 zarok radest kirin. Akif got, her 5 zarok radestî malbatên wan hatin kirin û wiha pê de çû: "Dayîkên wan zarokan di şerê de hatibûn kuştin.”

Berdevkê Buroya Têkiliyên Derve ya Rêveberiya Xweser a Bakur û Rojhilatê Sûriyê Kemal Akif diyar kir ku danûstandinên bi aliyên din ên derve re hene da ku zarokên din jî radest bikin. Akif ew alî diyar nekirin.

Buroya Têkiliyên Derve ya Rêveberiya Xweser a Bakur û Rojhilatê Sûriyê û li ser daxwaza hikumeta Feransayê û di çarçoveya hevkariya di navbera her du aliyan de, di 15`ê Adarê de ragihand ku 5 zarokên çeteyên DAIŞ`ê bi eslê xwe Feransî ne, radestî şandeya Feransayê kirine.

(jo)

ANHA