Merasîma bîranîna şehîd Umer Elûş dest pê kir

Bi sedan şênî, şêx, nûnerên partî, hevgirtinên siyasî û koalîsyona navdewletî kom bûn da ku tev li merasîma salvegera yekemîn a endamê Komîteya Têkiliyan a Meclisa Sivîl a Reqayê Umer Elûş bibin.

NÛÇE

15 adar, 2019 10:11

GIRÊ SPÎ

Bi sponseriya Meclisa Sivîl a Reqayê bi hevkariya Meclisa Navçeya Eyn Îsayê konê merasîma bîranînê di salvegera yekemîn a endamê Komîteya Têkiliyên Giştî û endamê Buroya Têkilyian a Meclisa Sûriya Demokratîk (MSD) Umer Elûş de li navçeya Eyn Îsa ya girêdayî kantona Girê Spî hat vedan.

Bi sedan şênî, malbata şehîd, nûnerên Rêveberiya Xweser û Sivîl a Bakur û Rojhilatê Sûriyê, şêx û rûspiyên herêmê, MSD, PYD, QSD, Partiya Pêşerojê ya Sûriyê, Hevalbendiya Niştîmanî ya Demokratîk a Sûriyê û nûnerên Hêzên Koalîsyonan Navdewletî berê xwe da konê merasîma bîranînê.

Merasîma bîranînê bi rêzgirtinê dest pê kir. Tê payîn ku bi navê partî, hevgirtinên siyasî, şêxên eşîran û malbata şehîd axaftin werin kirin.

Hêjayî bibîrxistinê ye ku şehîd Umer Elûş 15`ê Adara 2018`an ji aliyê komeke terorîst a girêdayî îstixbarata Tirkiyê di mala xwe de hate şehîdkirin.

(bx)

ANHA