Li navçeya Sirînê akademiyek hate vekirin

Li navçeya Sirînê ya girêdayî kantona Kobanê navendeke Akademiya Civaka Demokratîk hate vekirin.

NÛÇE

10 adar, 2019 14:55

KOBANÊ

Li navçeya Sirînê ya girêdayî kantona Kobanê yekemîn Akademiya Civaka Demokratîk bi navê Şehîd Masîro hate vekirin.

Şêniyên Sirînê, endamên saziyên civaka sivîl a navçeya Sirîn, endamên buroya têkiliyan a QSD û seroka buroya jin a Meclisa Sûriya Demokratîk Îlham Omer û nûnarên Meclisa Jinên Sûriyê ya herêma Firatê tevlî merasîma vekirina akademî bûn.

Hevserokê Navenda Akademiya Civaka Demokratîk a Herêma Firatê Şervan Mislim axivî û vekirina navenda akademî li gel pîroz kir.

Endama PYD`ê Sebah Mustefa û endama Meclisa Malbatên Şehîdan a navçeya Sirîn Emel Mustefa axivîn û gotin:"Em vê akademeyê li her kesî û bi taybet li malbata şehîd Masîro pîroz dikin. Ji ber pêwîstiya navendeke ideolojî ev akademî hate vekirin.”

Hevserokê meclisa navçeya Sirînê Silêman Hec Mehmûd spasiya rêveberiya Akademiya Civaka Demokratîk a herêma Firatê ji ber ku ev navend li vir vekirin.

Piştî axaftinan navend ji aliyê malbatên şehîdan ve hate vekirin.

Ismaîl Elî Misto (Masîro) yekemîn şervanê YPG`ê yê ji navçeya Sirînê sala 2014`an li Serêkaniyê şehîd bûbû.

(de-hk)

ANHA