Jinên Efrînê bîranînên xwe yên bi Ocalan re parve kirin

ŞEHBA

Di çarçoveya çalakiyên piştgiriya ji bo hevseroka KCD`ê û Parlamentera HDP`ê Leyla Guven û daxwaza rakirina tecrîda li ser Rêberê Gelê Kurd Abdullah Ocalan re, Kevana Zêrîna ya Kantona Efrîn şevbuhêrkek stranan li Kampa Serdem a Kantona Şehbayê li dar xist.

Di şevbuhêrkê de şênî, endamên Tevgera Çand û Hunerê ya Kevana Zêrîn, saziyên sivîl û Kongreya Star amade bûn. Şevbêrkê bi pêşwazîkirna mêvanan dest pê kir.

Paşê jinên ku bi Rêberê Gelê Kurd Abdullah Ocalan rûniştine, li ser girîngiya mezin ku daye jinan û çandina hezkirinê di nava gelan û pêkhateyan de got, jinan hevdîtina xwe bi Ocalan wiha bi nav kir: "Ronahiyê dide cihê ku lê dima."

Jinan diyar kir ku ronahiya azadiyê bi saya fikr û felsefeya Rêberê Gelê Kurd Abdullah Ocalan pêk hat û xwediyê projeya demokratîk e ku parastina çand û zimanê  hemû gelan kir, dûrî zîhniyeta desthilatdar.

Jinan destnîşan kir ku hevdîtina wan bi Ocalan re hiştiye xwedî kesayetên berpirsyar bin li hember doza Kurd û soza xwe bi şehîdan re nû dikin ku ew ê heta dawiyê li qada têkoşîna azadiya Ocalan bin.

Di şevbêrkê de Koma Şehîd Rojava û Şehîd Hêva ya girêdayî Kevana Zêrîn stranên kevn ên Efrînê û li ser Rêberê Gelê Kurd Abdullah Ocalan pêşkêş kirin.

Çalakî bi dirûşmeyên silavkirina jinan û xwestina azadiya Rêberê Gelê Kurd Abdullah Ocalan bi dawî bû.

(jo)

ANHA