Kongreya Star: Azadiya Ocalan azadiya me ye

GIRÊ SPÎ

Koordînasyona Kongreya Star a kantona Girê Spî bi daxuyaniyekê Komploya Navdewletî ya li dijî Rêberê Gelê Kurd Abdullah Ocalan û tecrîda ku ji aliyê dewleta Tirk ve li ser wî tê meşandin, şermezar kirin. Daxuyanî ji aliyê rêvebera Kongreya Star Dîlan Hesen ve hate xwendin.

Di daxuyaniyê de wiha hate gotin:

"Bi navê Kongreya Star em komploya li ser Rêberê Gelê Kurd Abdullah Ocalan şermezar dikin. Ji dema ku rêber Ocalan ji Sûriyeyê derket komplo dest pê kir, paşê dîl hate girtin û niha jî ji aliyê dewleta Tirk a dagirker ve tecrîd li ser tê meşandin. Rêber Ocalan ji ber tecrîda ku li ser tê ferzkirin di rewşên nediyar de di girtîgeha Îmraliyê de dijî.

Ji destpêka Şoreşa 19`ê Tîrmehê ve gelê Kurd xeta 3`mîn ji xwe re hilbijart. Ev yek jî projeya Rêber Ocalan bû da ku bingeha sîstema neteweya demokratîk û rizgarkirina jinan were avakirin.

Em wek jin nameya xwe bigihînin hêmû dewletên ku destê wan di komployê de heye ku tu kes nikare pêşî li fikrên azad ên rêber Ocalan bigire. Di fikrên wî de azadiya jinan serwer e û rêya jinan ku her tim di bin desthilatdariya sîstemên desthilatdar bû, ronî kiriye.

Ji ber wê azadiya rêber Ocalan azadiya me ye. Em ê heta azadiya wî û rizgarkirina wî ji girtîgeha Îmraliyê têkoşîna xwe berdewam bikin."

Daxuyanî bi dirûşmên silavkirina berxwedana Ocalan li Îmraliyê û şermezarkirina tecrîda li ser wî bi dawî bû.

(bx)

ANHA