Cenazeyê şervanê Meclisa Leşkerî ya Babê El-Keyarî bi merasîmeke girseyî hat veşartin

MINBIC

Kerwanê oxirkirina cenazeyê şervanê Meclisa Leşkerî ya Babê El-Keyarî yê ku li ser karê xwe şehîb bibû, ji ber nexweşxaneya Firat a bajarê Minbicê ber bi goristana Şehîdan ve bi rê ket.

Bi sedan kes beşdarî merasîmê oxirkirinê bû. Girseya welatiyan alên Meclisa Leşkerî ya Babê û wêneyên şehîd hilda bûn.

Li goristanê, merasîm bi deqeyek rêzgirtin ji bo bîranîna cangoriyên azadiyê û toraneke leşkerî ji aliyê şervanên Hêzên Erka Xweparastinê ve dest pê kir.

Bi navê Fermandariya Meclisa Leşkerî ya Babê Yûsif Erîma axivî  û got, "Em sersaxiyê ji xwe û ji malbatên şehîdan re dixwazin. Tişta ku karin bikin, soza xwe ya me bi şehîdan re daye pêk bînin û herêmên di destê dagirkeran de maye rizgar bikin."

Endama Saziya Malbatên Şehîdan Hesna El-Dahir jî axivî û ev tişt anî ziman, "Em bejna xwe li hemberî lehengiya şehîdan ditewînin, gotin ku mafê şehîdan bide nînin, ji ber şehîdan ji bo azadiya me berdelên giranbuha dane."

Di merasîmê de, bi navê Rêveberiya Sivîl a Demokratîk a Minbic û gundewarên wê, serokê Karûbarên Olî Elî El-Cemîlî axivî û destnîşan kir ku ew bi xwîna şehîdan bi aramî li ser axa xwe jiyan dikin. El-Cemîlî banga xwedîderketina li xwîna şehîdan kir.

Bi navê malbata şehîd, Mihemed Rebî Osman jî axivî û wiha got,"Abdullah ne şehîd yekem e û ne jî yê dawî ye. Abdullah xeta şehîdan şopand û soza xwe ya bi hevalên re dabû bi cih anî. Em jî soz dikin ku em ê heya dawiyê şopdarên xeta wî bin ta rizgarkirinê herêmê ji dagirkeran."

Piştî axaftinan, endama Saziya Malbatên Şehîdan Semer El-Casim nasnemeya şehîd xwend û radestî malbata wî kir.

Cenazeyê şehîd di nava dirûşmeyan hate veşartin.

ANHA