Li Şêxmeqsûd ji bo mamosteyan dewreyeke nû dest pê kir

Komîteya Perwerde û Fêrkirinê ya Civaka Demokratîk li taxa Şêxmeqsûd di bi navê "Şehîd Rûken Amed" de dewreyeke perwerdeyê ji 20 mamosteyan re da destpêkirin.

21 tîrmeh, 2018 10:32

HELEB

Komîteya Perwerde û Fêrkirinê ya Civaka Demokratîk li taxa Şêxmeqsûd a Helebê dewreyeke perwerdeya bîrdozî ji mamosteyên jin re vekir. Perwerde bi navê Dewreya Şehîd Rûken Amed hate destpêkirin.

Perwerde dê 17 rojan berdewam bike û dê ji saet 7.30’an heta 16.00’an berdewam bike. Dê di perwerdeyê de waneyên çand û exlaq, rastiya rêvebirinê, dîroka jinan, rexne û rexnedayîn, dîroka Kurdistanê û rihê hevaltiyê jî dê bên dayîn.

Rêvebera ku li ser xebatên perwerdeyê disekine Rojîn Qerindil diyar kir ku vekirina van perwerdeyan gavên pir girîng in û dibe ku heta hemû mamoste tev li perwerdeyê bibin berdewam bikin, ji ber ku wê mamoste dê nifşên nû ava bikin û ji ber wê jî divê ku di karê xwe de pispor bin.

Her wiha Rojîn di berdewama axaftina xwe de wiha got: "Dê mamoste ciwanên paşerojê amade bikin û ji bo ku pêşeroja civaka me xurt be divê mamoste di karê xwe de pispor bin.”

(ekîb)

ANHA