Ji bo şehîd Çekjîn li Tirbespiyê merasîm

QAMIŞLO

Meclisa Malbatên Şehîdan a navçeya Tirbespiyê ya herêma Cizîrê-Bakurê Sûriyeyê merasîmeke xiyabî ji bo şervanê Yekîneyên Parastina Gel (YPG) Çekjîn Tirbespiyê (Diyar Mihemed) ku di 4`ê Adara 2018`an de li Efrînê di şerê li dijî dewleta tirk a dagirker de şehîd ket, li Goristana Şehîd Dilşêr a gundê Dogir li dar xist.   

Merasîm bi rêzgirtina leşkerî ji aliyê şervanên YPG/YPJ`ê ve dest pê kir, piştre fermandara YPG`ê Rûbar Qamişlo sersaxî ji malbata şehîd Çekjîn re xwest û da diyar kir ku şehîd Çekjîn li ber xwe da û ji bo parastina gelê xwe gihaşt asta şehadetê. 

Endamê Meclisa Malbatên Şehîdan Mihemed Zekî Îbrahîm da zanîn ku hevgirtina gelê heremê û beşdarbûna wan di merasîma şehîd Çekjîn de israrkirin e li ser pîvanên neteweya demokratîk û biratiya gelan.

Bi slogana "Em ne evîndarên xwînê ne, lê eger bê xwestin em ê xwîna xwe bidin" keça apê şehîd Çekjîn berxwedana Tirbespiyê pîroz kir û da zanîn ku hemû kesên li wê derê li ber xwe didin li hemberî hêzên desthilatdar ên li herêmê û da zanîn ku parastina ax û pîrozbahiyan erka her kesekî ye û got eger bê xwestin dê hemû zarokên xwe feda bikin di ber vê doze de.

Esma Mûrad şehîdên 14’ê Tîrmeha 1982`yan ên ku giyanê xwe kir qurbanî di zindana Amedê de, di ronahiya rêya azadiya gelê kurd û hemû gelên herêmê de û got: “Gelê herêmê berxwedana xwe ji şehîdên 14`ê Tîrmehê digire.” 

Di dawiya merasîmê de wesîqa şehadetê hate xwendin û radestî malbata şehîd Çekjîn hate kirin. Tê zanîn ku şehîd Diyar Mihemed ku li navçeya Tirbespiyê ji dayik bûye û di 2015`an de li kantona Qamişlo tev li nava refên YPG`ê bû.

(ekîb)

ANHA