Gelê Dêrikê 1‘ê Gulanê pîroz kirin

Li bajarê Dêrikê 1‘ê Gulanê cejna Karkeran a Cîhanî hate pîrozkirin.

NÛÇE

1 gulan, 2018 10:39

QAMŞILO

Bi sedan şêniyên bajarê Dêrikê ya herêma Cizîrê bi wesîleya cejna Karkeran a Cîhanê şahiyeke li navenda Yekîtiya Ciwanên Rojava lidar xistin.

Şahî ji aliyê Yekîtiya Kedkar û Karkeran a bajarê Cizîrê ve hatî birêxistinkirin.

Şahî bi deqeyeke rêzgirtinê dest pê kir, paşê Hevserokê Yekîtiya Karker û Kedkaran a bajarê Dêrikê Mihemed Ebdulrehaman cejn li hemû karkeran pîroz kir û dîroka Cejna Karkeran vegot.

Ebdulreham destnîşan kir ku dîroka cejna Karkeran vedigere sedsala 18‘an, 35 hezar karker li hemberî bê mafiyê û zêdebûna saetên xebitandinê û kêmbûna mûceyan daketin qadan û daxwaza mafê xwe kirin.

Bi navê Kongreya Star û Melîsa bajarê Dêrikê axaftin hatin kirin, di axaftinan de hate gotin ku 1‘ê Gulanê yek ji sembolên karker û kedkaran e ku xwe bi rêxistin bikin û banga mafê xwe bin.

Her wiha hate gotin ku bi pêkanîna mafên karkeran civakeke exalqî û polîtîk pêk tê.

Piştî axaftinan, koma Cûd ya girêdayî navenda Çand û Hunera Demokratîk a Dicle stran pêşkêş kirin.

(bb)

ANHA