100 tablo rewşa jinan nîşan didin

Di çarçoveya çalakiyên 25`ê Mijdarê de, Tevgera Hîlala Zêrîn a Helebê bi armanca balê bikişîne ser pêkanîna edaletê ji jinan re, azadiya wê misoger bibe û şoreşa wê veguherînin şoreşeke giştî pêşangehek wêneyan vekir. 

Pêşangeh li hola civînan a Meclisa Sûriya Demokratîk (MSD) ya li taxa Şêxmeqsûd bi beşdariya hunermendên ji Heleb û kantonên Şehba û Efrînê hat vekirin. Di pêşangehê 100 tablo hatin pêşandan.

Di destpêkê de, endama Rêveberiya Tevgera Zêrîn a Helebê Biharîn Sîno axivî û diyar kir ku wan bi armanca balkê bikişînin ser tundiya li dijî jinan û pêwîstiya rawestandina vê tundiyê, ev pêşangeh vekirine.

Biharîn diyar kir ku jinan di çend salên dawî de piştî ku tev li şoreşa demokratîk bû, xwe îsbat kir û di qadên cuda de bûn pêşeng.

Dûre pêşangeh ji aliyê endama Meclisa Malbatên Şehîdan û dayîka şehîd Alan Amanos Remziye Salih ve hate vekirin.

Mijarên tabloyan, li ser tundiya li ser jinan, her wiha jinên ku bi fikr û felsefeya Rêber Abdullah Ocalan xwe di gelek qadên siyasî, jiyanî, aborî û leşkerî de îsbat kirin, hene. Porteryên Jîna Emînî, şervanên YJA-Starê jî hene.

 (şx)

ANHA