Xelkê Siwêdayê teqîna li Dêra Mar Elyas şermezar kir

Îro Desteya Tevgera Aştiyane li parêzgeha Siwêdayê Qada Keramê yê bajêr, bi beşdariya dehan çalakvan û xelkê bajêr, çalakiyek organîze kir. Ev çalakî bi armanca şermezarkirina teqîna terorane ya li dijî Dêra Mar Elyas û derbirîna xemgîniyê de, hat lidarxistin.

Beşdaran pankartên teqeziyê bi yekitiya Sûriyeyiyan li hember terorê dikin hildan û daxwaz kir ku hedefgirtina kêmnetewe û mezheban bi dawî bikin, her wiha xîtaba nefretê û kînê şermezar kir.

Ji endama Desteya Ragihandinê ya Tevgera Aştiyane Dr. Luceyn Hemze axivî û got, "Teqîn beşek ji plana tundrawî ya bi armanca têkbirina mozaîka Sûriyeyê û derbekirina mezheban ne. Em vê kiryara tirsonak bi tundî şermezar dikin û daxwaza destwerdana lezgîn a rawestandina vê rageşiya terorane dikin ku gefan li Sûriyeyiyan dixwin."

Li aliyekî din jî serokê Desteya Giştî ya Tevgera Aştiyane parêzer Mufîd Ebû Emar berpirsiyariya parastina sivîlan hilgirt ser desthilatan û got pêwîst e komkujiyên li dijî welatiyan bi taybet ên li dijî kêmneteweyan bên sekinandin.

Parêzer Lîna Ebû Hemdan jî diyar kir ku divê Sûriyeyê li dijî terorê hevgirtî bin û ev çalakî peyameke aşkera ya rredkirin û serşmezarkirina van sûcan e û banga yekrêziyê dike.

Çalakvan Muhîb Cemol jî got Sûriyeyê tevahî di çarenûsê de bira ne û rûbirûyî hewlên fitne û parçebûnê ne û tu carê maf nayê têkbirin.

(ac/fr)

ANHA