Xelkê Dêrikê sersaxî da malbata şehîd Zîn Jînda

Ji bo şervana YPJ’ê Zîn Jînda (Behiye Ebdulmecîd) ku 22’ê Çileyê di encama qezayekê de li Tebqayê şehîd bûbû, sersaxî hat xwestin. Merasîmê sersaxiyê ji aliyê Meclisa Malbatên Şehîdan ve li navenda Tevgera Ciwanên Şoreşger a Sûriyeyê ya Şehîd Bawer a li Dêrikê hat lidarxistin.

Bi sedan şêniyên bajarê Dêrikê û navçeya Girkê Legê yên kantona Cizîrê, endamên saziyên sivîl û rûspiyên eşîran sersaxî ji malbata şehîd Zîn Jînda re xwest.

Di merasîmê de hevserokê Meclisa Malbatên Şehîdan a Girkê Legê Mihemed Cemîl sersaxî ji malbat û hevreyên şehîd Zîn re xwest û got Zîn ji bo ku gel bi aştî bijî canê xwe feda kir.Mihemed Cemîl soza şopandina xeta şehîdan da.

Endama meclisa PYD’ê ya Dêrikê Leyla Remedan bal kişand ser berxwedana şehîd Zîn a li hemberî êrişên dewleta Tirk a dagirker û got: "Şehîd Zîn bi salan li hemberî êrişên herî giran ên dewleta Tirk a dagirker û çeteyên wê şer kir. Em îro li vir sekinîne da ku bêjin şehadeta mîna van têkoşeran îsrara me ya serkeftinê zêde dike."

Piştî axaftinan wesîqeya şehadetê ya şehîd Zîn Jînda hat xwendin. Merasîm bi dirûşmên "Şehîd namirin" bi dawî bû.

(bb)

ANHA