Xebatên komkirina îmzeyan li Dêrazorê dest pê kirin

Şêniyên kantona Dêrazorê destnîşan kirin ku divê şêniyên herêmê beşeke têkoşîna ji bo azadiya Rêber Abdullah Ocalan bin û tev li hemleya komkirina îmzeyan bibin.

ROJANE

26 sibat, 2024 15:32

DÊRAZOR

Li bajarokê Hecînê yê rojhilatê kantona Dêrazorê konek ji bo komkirina îmzeyan hate vedan. Di roja yekemîn a çalakiyê de şênî, endamên tevgera ciwanên şoreşger, şêx û rûspiyên êlan îmzeyan xwe dan.

Berdevkê Meclisa Êlan a El Bû Kemalê Selah El Selman got: "Divê cîhan tev da û rêxistinên mafên mirovan destwerdanê bikin, tecrîdê bi dawî bikin û azadiya fîzîkî ya Rêber Abdullah Ocalan pêk bînin."

Hevserokê Komîteya Xebatên Xizmetguzariyê ya herêma Şerqiye Xelîl El Hindawî jî got: "Gotina me û daxwaza me yek e ew jî bidawîkirina tecrîdê û bidestxistina azadiya fîzîkî ya Rêber Abdullah Ocalan e."

Hevseorkê Meclisa Gel a bajarokê Hecînê Saêr El Rebî jî got: "Îro hemleya komkirina îmzeyan li herêma Şerqiye dest pê kir. Ev tenê destpêk e û dê bi bidestxistina azadiya fîzîkî ya Rêber Abdullah Ocalan bi dawî bibe."

Çaverê ye ku hemle heta 15 rojan li rojhilatê kantona Dêrazorê berdewam bike.

(şx)

ANHA