Tedbîrên dewletên Ereb ên beriya bidawîbûna muhleta Trump daye Îranê

Dewletên Ereb piştî tehdîdên Trump ên li dijî Îranê, ji hemwelatiyên xwe xwest ku divê tedbîrên ji bo parastina xwe bigirin. Trump berî bidawîbûna muhleta xwe ya ji bo Îranê, daxwaz kiribû ku tengava Hurmuzê were vekirin û peymanek ji bo rawestandina şer were destnîşankirin.

Kuweytê, îro ji welatiyên xwe xwest ku ji bilî "pêdiviyên awarte" di navbera nîvê şevê roja sêşemê û sibeha çarşemê de wekî "tedbîrek parastinê" ji malên xwe dernekevin.

Di daxuyaniyekê de ku ji hêla Ajansa France-Presse (AFP) ve hat weşandin, Kuweytê got, "Em ji welatî û niştecihan dixwazin ku ji nîvê şevê roja sêşemê, 7ˊê Nîsanê, heta saet 6:00ˊê sibê roja carşemê, 8ˊê Nîsanê, li malên xwe bimînin û ji bilî rewşên awarte dernekevin derve."

Behreyn jî berbanga çarşemê xebatên li bendera xwe ya sereke bi awayekî demkî disekinîne.

Ev tedbîr tenê çend demjimêran beriya bidawîbûna muheta ku serokê Amerîkayê Donald Trump ji Îranê re danî ye. Trump gotibû ku beriya muhlet bi dawî bibe Tengava Hurmuzê ji nû ve were vekirin û bigihîjin rêkeftinekê ji bo bidawîanîna şer.

(fr)