Şehîd Zîlan û Sema li Helebê, Şehba û kantona Cizîrê hatin bibîranîn
Ji bo bîranîna şehîd Zîlan û Sema li Helebê û kantona Cizîrê çalakiyên cihereng hatin lidarxistin.
Şehîd Zîlan (Zeyneb Kinaci) 30`yê Hezîrana 1996`an li bajarê Dêrsimê yê Bakurê Kurdistanê li dijî leşkerên Tirk çalakiyeke fedaî li dar xist. Di wê çalakiyê de zêdetirî 50 efser û leşkerên tirk hatin kuştin. Lê belê çapemeniya tirk hejmara kuştiyan veşart û ragihand ku tenê 8 leşker hatine kuştin.
Jin û şêniyên herêma Bakur û Rojhilatê Sûriyeyê bi rêya lidarxistina çalakiyên cuda her sal şehîd Zîlan bi bîr tînin.
Kongra Star li bajarê Til Temirê yê kantona Cizîrê bi beşdariya şêniyan çalakiyek lidar xist.
Di çalakiyê de endama Komîteya Perwerdeyê ya Kongra STr Zehra Emîn hin beşên nameya şehîd Zîlan xwendin.
Endama rêveberiya Kongra Star Ronak Zeyneb jî, di kesayeta şehîd Zîlan de tevahî şehîdên azadiyê bi bîr anîn û bi bîr xist ku şehîd Zîlan bi çalakiya fedaî bersiv da komploya li dijî Rêber Abdullah Ocalan.
Ronak destnîşan kir ku şehîd Zîlan, bi vê çalakiya xwe peyamek ragihand dijmin ku ew li ser soza ku dane Rêber Abdullah Ocalan in û dê di oxirê wî û welêt de canê xwe feda bikin.
Kongra Star a Helebê li taxên Şêxmeqsûd û Eşrefiye şehîd Zîlan û Sema Yoca bi bîr anîn ku di şeva Newroza 1998`an di girtîgeha Çanakalê agir berda bedena xwe, bi bîr anîn.
Di çalakiyê de ku li Meclisa Şehîd Cengîz a taxa Eşrefiye ya Helebê li dar ketiye, têkildarî jiyana her du şehîdan, sinevizyonek hate pêşandan. Şênî, endamên meclis û komînan tev li çalakiyê bûn.
Tê payîn ku nameyên şehîd Zîlan û Sema Yoca li Nivîsgeha Weqfa Jina Azad a li rojavayê taxa Şêxmeqsûd a Helebê sibe werin xwendin.
Girêdayî heman mijarê Kongra Star a kantona Efrîn û Şehbayê têkildarî çalakiya fedaî ya şehîd Zîlan semînerek da.
Endama Kongra Star Henîfe Mihemed semîner bi rêve bir ku li Kampa Serdemê ya bajarê Ehdas ê kantona Efrîn û Şehbayê li dar ketiye.
Henîfe ji koçberên kampê yên tev li semînerê bûne şehîd Zîlan da nasandin. Her wiha balkişand ser rola jinan a bingehîn di çend serdemên dawîn de bi taybet têkoşîna şehîd Zîlan a ku pêvajoyeke nû ya berxwedana jinan da destpêkirin.
Endama Kongra Star Hesîne Hesen jî diyar kir ku çalakiya şehîd Zîlan, ji bo gelê Kurd rêya xilasiyê bû û bersivdayîna komploya navneteweyî bû.
Komîteya Ciwan û Werzîşê bi koordîneya Yekitiya Jinên Ciwan li herêma Meamêl a kantona Dêrazorê bi çalakiyekê şehîd Zîlan bi bîr anî.
Di çalakiyê de hevserokê Komîteya Ciwan û Werzîşê Ibtîsam El Mihemed axivî û behsa çalakiya fedaî ya şehîd Zîlan, têkoşîna wê li dijî komployê û planên li dijî Rêber Abdullah Ocalan kir.
Di dawiyê de li ber wêneya şehîd Zîlan mûm hatin pêşxistin.
(şx)
ANHA
DÊRE ZOR
HELEB
TIL TEMIR
