Şandeyeke ewropî serdana Rêveberiya Xweser kir

Îro şandeyeke ewropî serdana Meclisa Rêveber a Rêveberiya Xweseriya Demokratîk kir. Şande ji aliyê hevserokê meclisê Hisên Osman û cîgirên hevserokên meclisê ve hate pêşwazîkirin.

Şande ji endamê Parlamentoya Ewropayê û hevserokê Koma Çepgir a Parlamentoya Ewropayê Martin Shirdiwan, cîgira wî Nora Friese Wendenberg, cîgirê rêveberê Weqfa Rosa Luxemburgê Philipp Degenhard, nûnerê Dem Partiyê yê Saziyên Ewropayê li Strasbourgê Fayîk Yagizay û şêwirmenda Fayîk Yagizay Dr. Sara Glenn pêk dihat.

Di serdanê de her du aliyan geşedanên li herêmê nîqaş kirin û tekez kirin ku îro pêwîstiya Sûriyeyê bi hevgirtin û yekbûnê heye.

Her wiha Meclisa Rêveber der barê projeya Rêveberiya Xweser û sîstema hevserokatiyê de agahî da şandeyê û îşaret bi serkeftina vê nimûneyê di xurtkirina pîvanên demokrasî û beşdariyê de û asoyên hevkariya hevbeş û pevguhertina pisporan hate kirin.

Şandeyê kêfxweşiya xwe bi ezmûna Rêveberiya Xweser a Bakur û Rojhilatê Sûriyeyê anî ziman û îşaret bi rola stratejîk û pêşeng a Rêveberiya Xweser, QSD`ê û gel di tunekirina DAIŞ`ê de kir.