Netanyahu ferman da artêşê ku êrişî Refahê bike

Serokwezîrê Îsraîlê Bejamin Netanyahu duh êvarê ferman da artêşê ku xwe amade bike ji bo ku êrişî bajarê Refah ê li başûrê Xezayê bike. Li gel ku wezîrê karên derve yê DYA’yê Antony Blinken li Îsraîlê ye ji bo ku li lihevkirineke din a agirbestê çêkin, Netanyahu xîtabek da û got: "Bicihanîna daxwazên Hemasê dê bibe sedema komkujiyeke din."

Li gorî NY`yê li Refahê zêdetirî 1.3 milyon koçber hene.

Sekreterê giştî yê NY`yê Antonio Guterres diyar kir ku ew gelek bi fikar e li hember raporên ku dibêjin artêşa Îsraîlê plan dike êrişî Refahê bike.

Guterres careke din banga agirbesteke mirovî û serbestberdana bêşert a dîlgirtiyan kir.

Piştî ku Netanyahu pêşniyara Hemasê ya agirbestê red kir, ev gef xwarin. Her wiha Netanyahu got serkeftin nêz e û ewlehiya Îsraîlê tenê bi tunekirina Hemasê pêk tê.

Netanyahu di xîtaba xwe de got: "Leşkerên me niha li Xan Yunisê ku cihê bingehîn ê Hemasê ye, şer dikin. Me ferman da hêzên parastinê yên Îsraîlê ku amadekariyan bikin ji bo ku êrişî Refahê û 2 kampên koçberan bikin."

(şx)