Meclisa Rêveber civîna xwe ya sale bi encamnameyan bi dawî kir

Di civînê de endamên Desteya Serokatiya Meclisa Rêveber a kantona Cizîrê, cîgirê hevseroketiya Meclisa Rêveber a Rêveberiya Xweseriya Demokratîk a Herêma Bakur û Rojhilatê Sûriyeyê Gabrîel Şemûn, hevseroketiya Meclisa Qanûnsaz a kantona Cizîrê û hevserokên deste, nivîsgeh û komîteyên Meclisa Rêveber a kantona Cizîrê beşdar bûn.

Rewşa siyasî ya herêmê û bandora wê li ser rewşa aborî hat xwendin, piştre rapora giştî ya Meclisa Rêveber ku tê de xebatên hemû deste, nivîsgeh û komîteyên wê û projeyên sala 2023'yan hate xwendin.

Beşdaran zehmetiyên di pêkanîna projeyan de li pêşiya desteyan derketine nîqaş kirin, xebat û rêjeya pêkanîna projeyan nirxandin.

Di dawiya civînê de encamname û plansaziya sala 2024'an hatin diyarkirin:

Pêkanîna bendên Hevpeymana Civakî.

Pêşxistina xebata saziyên rêveberiyê û bicihkirina karmendên amadekirî di aliyê fikrî û rêveberî de.

Pêşxistina xebatên perwerdehiyê û xurtkirina mamoste û rêveberên dibistanan û peydakirina pêdiviyên dibistanan.

Piştgiriya saktora çandiniyê bi rêya peydakirina pêdiviyên hilberînê.

Piştgiriya saktora enerjiyê û peydakirina pêdiviyên wê û pêkanîna sîstema kêmkirina kehrebê û leckirina jimaryariyan ji bo tevahî saktoran.

Pêşxistina aliyê xizmetguzarî û piştgiriya şaredariyan di warê avê de û pêşxistina rêyan û paqijiyê û çareserkirina pirsgirêkên avê ku ew jî yek ji projeyên sereke yên rêveberiyê ye.

Domandina projeya gerînendetiya parastina sivîl û pêşxistina wê.

Nûjenkirina gerînendetiya giştî ya xizmetguzariyên pîşeyî.

Pêşxistina xizmetên bijîşkî û peydakirina derman û pêdiviyan ji bo nexweşxaneyan û temamkirina nexweşxaneya Hîmo.

Pêşxistina saktora pîşesaziyê û teşwîqkirina fînansê bi rêya peydakirina pêdiviyên wê.

Lidarxistina civînên her 3 mehan ji aliyê deste û nivîsgehan ve ji bo şêniyan û beşdarkirina wan jib o dayîna biryaran û girtina pêşniyariyên wan di xebatên rêveberiyê de.

Nûjenkirina navenda çaksaziyê.

Nûjenkirina navenda dermankirinê ji bo kesên hişbirê dibin û pêkanîna pêngavên hişyarkirina xeteriya hişbirê di nava beşên gel de.

Aktîfkirina rola ciwanan di hemû saziyên rêveberiyê de.

Peydakirina alîkariya tenduristî û pêdiviyên malbatên şehîdan û erkdarkirina wan di saziyên rêveberiyê de.

Peydakirina avahiyan ji bo saziyên rêveberiyê li gor pêdiviyên kar.

Piştgiriya projeyên jinan û girîngîdayîna hemleyên hişyarkirinê û xurtkirina rêxistinkirina jinan di nav saziyên rêveberiyê de.

Pêşxistina aboriya civakî û peydakirina derfetên kar û piştgiriya projeyên civakî yên biçûk.

Amadekirina budceya salane li gor girîngiyê û pêkanîna projeyan di demên diyarkirî de.

Pêşxistina şopandin û çavdêriyê bi rêya komîte û nivîsgehên çavdêriyê di hemû desteyan de û pêşxistina çavdêriya gelêrî û sîstema giliyan ji bo bidawîkirina gendelî û kêmasiyan.

(mh)