Mayînek bi dewriyeyeke hêzên Şamê û Rûsyayê de teqiya
Mayîneke kesên nenas li ser rêyeke nêzî gundê Colanê bi cih kiribû bi dewriyeyeke hevbeş a hêzên Şamê û hêzên Rûsyayê de teqiya û di encamê de 2 leşker ji hêzên Şamê birîndar bûn.
Li gorî Navenda Çavdêriya Mafên Mirovan a Sûriyeyê (SOHR), çekdarên nenas li ser rêya gundê Ebû Xara yê gundewarê Qunetera yê li nêzî Colana Sûriyeyê mayînek çandibû. Dema dewriyeyeke hevbeş a hêzên Şamê û hêzên Rûsyayê derbas dibûn, mayîn bi wan de teqiya. Di encamê de 2 leşkerên Şamê birîndar bûn.
Ji destpêka îsal ve kesên nenas siûqastkirin û hedefgirtinên xwe li dijî efser û leşkerên hêzên Şamê û hevkarên wê yên ji Hizbullaha Lubnanê zêde kirine.
(fr)
