Malbatên şehîdan li dijî tecrîda li Îmraliyê daxuyanî dan

Malbatên şehîdan ên kantona Firatê têkildarî tecrîda li ser Rêber Abdullah Ocalan daxuyanî da.

8 gulan, 2024 14:32

KOBANÊ

Bi hinceta “cezayê disîplînê” ji bo 3 mehan qedexeya hevdîtinê li Rêber Abdullah Ocalan hat birîn. Li hemberî vê yekê jî malbatên şehîdan bi hêrs in. CPT jî têkildarî mijarê bêdengiya xwe didomîne.

Meclisa Malbatên Şehîdan a Kantona Firatê têkildarî mijarê daxuyaniyek da. Daxuyanî li pêş Meclisa Malbatên Şehîdan hat dayîn û ji aliyê endama meclisê Derya Mihemed ve hat xwendin.

Di daxuyaniyê de hate gotin: “Tecrîda li ser Rêber Abdullah Ocalan, îşkence, astengkirina hevdîtina bi parêzerên xwe re bi hincetên pûç, tecrîda girankirî ya li ser wî ne qanûnî ye. Rêber Ocalan îradeya gelê Kurd û vîna gel temsîl dike.”

Di dawiya daxuyaniyê de hat gotin: “Em bang li hemû rêxistinên navneteweyî yên mafên mirovan û civata navneteweyî dikin ku dawî li tecrîdê ya li ser wî bînin û di dema herî nêzik de ji bo serbestberdana wî bi erkên xwe yên exlaqî û qanûnî rabin."

(sş)

ANHA