Li Reqayê Navenda Piştgiriya Civakî hate vekirin

Desteya Kar û Barên Civakî û Xebitandinê ji bo xebatên civakî ji beşên civakê re pêşkêş bike, Navenda Piştgiriya Civakî vekir.

ROJANE

29 ÇILE, 2024 14:09

REQA

Endamên Meclisa Kombûna Jinan, Komîteya Jinan a Meclisa Sivîl a Reqayê, rêxistinên civaka sivîl, komîteyên saizyên kantona Reqayê, endamên Komîteya Çandiniyê, Meclisa Çandî, Hêzên Ewlekariya Hundirîn û Yekitiya Parêzeran tev li vekirina navendê bûn.

Di navendê de 11 nivîsgeh hene; piştevaniya derûnî, nivîsgeha jinan, nivîsgehên rêxistinî û rêvebirî. Navend hewl dide dewreyên piştevaniya derûnî û pîşeyî veke û xebatên civakî û qanûnî pêşkêş bike. Piştgiriya jinebî, sêwî, kal û pîr û astengdaran bike û derfetên pêkvejiyanê ji bo kesên ji kampa Holê vedigerin peyda bike.

Der barê xebatên navendê de hevserokê Desteya Kar û Barên Civakî û Xebitandinê Cîhad Hesen got: "Ruxmî zehmetiyan jî me ev navenda taybet vekir. Wê xebatên civakî ji beşên civakê re pêşkêş bike."

Hevseroka Meclisa Sivîl a Reqayê Hêvîn Îsmaîl jî vekirina navendê li şêniyên kantonê pîroz kir.

Dûre navend ji aliyê dayîka şehîd Şiyar Zagros Zelîxe Mhemed Muslim ve hate vekirin.

(şx)

ANHA