Li Helebê semînerek li ser komploya navneteweyî hat dayîn

Bi nêzîkbûna salvegera 27'emîn a komploya navneteweyî ya li dijî Rêber Abdullah Ocalan re, Însiyatîfa Azadiya Rêber Abdullah Ocalan a Sûriyê dest bi dayîna rêze semîneran ji bo 3 rojan, kir.

Çaverê ye 3 semîner di 5, 6 û 7'ê vê mehê de li taxa Eşrefiyê, rojavayê taxa Şêxmeqsûd û rojhilatê taxa Şêxmeqsûd werin lidarxistin.

Di semînera yekemîn de ya ku li parka Efrîn a taxa Eşrefiyê hatiye dayîn, rêveberê Nivîsgeha Têkiliyan a Meclisa Sûriya Demokratîk (MSD) Emîn Elîko û berdevka Însiyatîfa Azadiya Rêber Abdullah Ocalan a Sûriyê ya li Helebê Amna Xidiro axivîn.

Elîko li ser qonaxên dîrokî yên komployê, sedem û encamên wê û veguhastina girtîgeha Îmraliyê ji bo çavkaniya ramanên azad, axivî.

Elîko got ku fikrê neteweya demokratîk a ku Rêber Abdullah Ocalan pêşkêş kiriye li Bakur û Rojhilatê Sûriyeyê wekî çareseriya hemû pirsgirêkan hatiye pêkanîn.

Amna Xidiro destnîşan kir ku berhemên fikrên Rêber Abdullah Ocalan di projeya Bakur û Rojhilatê Sûriyeyê de tên dîtin. Her wiha wê rola hemle û pêngavên ji bo azadiya Rêber Abdullah Ocalan û pênasekirina pirsgirêka Kurd û pêvajoya "Aştî û Civaka Demokratîk" silav kir.

Amna Xidiro di dawiya axaftina xwe de teqezî bi rola ciwanan hemleyan de, da.

(mh)

ANHA