Li Bakur û Rojhilatê Sûriyeyê çalakiyên 8ˊê Adarê

Roja beriya 8ˊê Adarê çalakiyên jinan li Herêma Bakur û Rojhilatê Sûriyeyê gihaştin lûtkeya xwe, her wiha li herêmê gelek çalakî hatin lidarxistin û ji bo sibe amadekariya çalakiyên giştî tê kirin.

JIN

7 adar, 2024 16:48

NAVENDA NÛÇEYAN

Çalakiyên 8`ê Adarê li herêmê didomînin. Di vê çarçoveyê de li gelek deveran çalakiyên cihêreng li dar ketin.

ÇILAXA

Komîteya Jinan a Rêveberiya Dibistanan li navçeya Çilaxa li dibistana Şehîd Zagros Çilaxa çalakiyek li dar xist. Di çalakiyê de şano û helbest hatin pêşandan.

He wiha endamên Kongra Star li parêzgeha Azadî ya li rojhilatê navçeyê, dar çandin.

Şaredariya Gel a kantona Reqayê jî Parka Jin vekir, piştî ku xebatên sererastkirina wê ji aliyê Daîreya Parkan a Şaredariya Gel a Reqayê bi dawî bûn.

Di merasîma vekirinê de, endamên şaredariyê, endamên Kombûna Jinan a Zenûbya, Melcisa Jinan a Sûriyeyê ya herêma Bakur û Rojhilatê Sûriyeyê hazir bûn.

HESEKÊ

Yekitiya Jinan a Suryan a Sûriyeyê bi dirûşma "Jina Suryan bingeha şaristaniyê ye" meşek li dar xist. Endamên yekitiyê bi cil û bergên suryan tev li meşê bûn ku ji pêşiya Akademiya Jina Ciwan a Beys Nehreyn a li taxa Kelase dest pê kir.

Meşê li Qada Şehîdan a li taxa Nasra rawestî û veguherî mitingê. Di mitingê de, yekitiyê daxuyaniyek da û soz da ku destkeftiyên şehîdan biparêzin û ji bo avakirina civakeke azad, democrat, wekhev ku rûmeta mirovahiyê misoger dike dê têkoşînê mezin bikin.

TIL TEMIR

Li Til Temirê jî Rêveberiya Dibistanan çalakiyek ji xwendekar û mamosteyan re li dibistana amadehî ya Ednan El Milkî ya li taxa Şehîd Viyan li dar xist.

(şx)

ANHA