Kombûna Jinan a Zenûbiya ya Minbicê civîna salê li dar xist
Kombûna Jinan a Zenûbiya şaxê Minbicê civîna xwe ya salê li dar xist û encmanameyek da.
Meclisa Kombûna Jinan a Zenûbiya ya şaxê kantona Minbicê civîna xwe ya salê li dar xist. Di civînê de Koordînasyona kombûnê, nûnerên partiyên siyasî û meclisên leşkerî beşdar bûn.
Civîn li hola Meclisa Gelan a Demokratîk a navenda bajêr li dar ket. Di serî de berdevka Komîteya Aboriya Jinan a Meclisa Kombûna Jinan a Zenûbiya Hena Tilcibînî perspektîfên Rêber Abdullah Ocalan ên li ser rêxistinkirina jinan xwendin.
Piştre endama Koordînasyona Kombûna Jinan a Zenûbiya Şehrezad El Casim rewşa siyasî û geşedanên herêmê û bandorên wan li ser têkoşîna jinan axivî.
Piştre berdevka Meclisa Kombûna Jinan a Zenûbiya ya kantonê Ruweyde Hinêzel rapora salê ya kombûnê xwend. Her wiha sînevîzyonek li ser xebatên meclisê hat pêşandan.
Di dawiya civînê encamname hat dayîn:
1- Zêdekirina çalakiyên banga pêkanîna azadiya fîzîkî ya Rêber Abdullah Ocalan.
2- Zêdekirina hemleyên rêxistinkirina jinan di komîn û xetan de.
3- Domandina hemleyên propagandaya hilbijartinê.
4- Xwendina rêziknameya kombûnê ya Mala Jinan û qanûna malbatê ji bo hemû karmendên saziyên Rêveberiya Xweser ên kantonê û şêniyan.
5- Dayîna semînereke giştî bi boneya salvegera şehadeta şehîd Zîlan.
6- Domandina xwendina parêznameya 3'yemîn a Rêber Abdullah Ocalan.
7- Dayîna semîneran li ser diyardeyên parsê û karên derexlaqî yên ji ber rewşa jiyanê û belengaziyê.
8- Çalakkirina Mala Parastina Jinan û Mala Parastina Zarokan.
9- Lidarxistina civînan û serdanên jinan li komînan ji bo hişyarkirina wan li ser zewicandina zarokan.
10- Çalakkirina qanûna malbatê bi rêya atolye, perwerde û semîneran.
11- Têkoşîna li dijî dezgehên ragihandinê yên dijber ên ku hewl didin şêniyan û jinan reş bikin.
12- Girîngîdayîneke mezin bo şagirtên dibistanan û hişyarkirina wan ji metirsiya narkotîkê û karên derexlaqî bi rêya perwerdeyan.
13- Domandina rêxistinkirina civakê û pênasekirina şerê taybet.
14- Pêşxistina projeyên aborî yên biçûk ji bo bidawîkirina bêkariyê û peydakirina derfetên kar ji bo jinan re.
15- Nîşandana helwesteke cidî li hember dagirkeriya Tirk a li dijî herêmê.
16- Pêkanîna Hevpeymana Civakî.
(mh)
ANHA
