Jinan edaleta pêvajoya veguhêz nîqaş kirin

Meclisa Sûriya Demokratîk (MSD) panelek bi navê "Li Sûriyeyê edaleta pêvajoya veguhêz û çarçoveya wê" li navenda xwe ya li bajarê Qamişlo li dar xist. Hejmarek parêzer, hiqûqnas, nûnerên saziyên civaka sivîl amade bûn.

Di panelê de 2 mijarên sereke;  "Edaleta pêvajoya veguhêz: Armanc û encam" û " Edaleta pêvajoya veguhêz: Mekanîzma û pirsgirêk" hatin şîrovekirin.

Mijarên panelê ji aliyê berpirsa qanûnî ya MSD’ê Mehasin Xenafir ve hatin şîrovekirin.  Mehasin bal kişand ser girîngiya edaleta pêvajoya veguhêz a ku wekî rêbaza bidawîkirina şerê çekdarî, dayîna tawîzan ji bo mexdûran, avakirina saziyên hiqûqî û qanûnî yên pêkanîna rewşeke biedalet û wekhev tê dîtin.

Mehasin Xenafir têgîna edaleta veguhêz û armancên wê wiha pênase kirin: "Ew komek makanîzma û tedbîrên dewletên derve ji bo alozî yan jî sîstemên çewsîner ji bo çareserkirina binpêkirinên mafên mirovan dipejirînin. Armanc jî pêkanîan edaletê û lihevanînê û misogeriya nedubarebûna binpêkirinan e."

Mehasin anî ziman ku edaleta veguhêz binpêkirinên mezin ên ku di salên krîzê de qewimîne wekî kuştin, revandin û êşkencekirinê çareser dike, hemû pêkhateyên Sûriyeyê li hev tîne û baweriya di navbera welatiyan û dewletê de vedigerîne. Her wiha dibe garantora hesabxwestinê ji sûcdaran û avakirina aştiyeke demdirêj û sîstema siyasî ya biedalet.

Mehasin diyar kir ku pêwîstî bi hebûna hêzên siyasî yên niştîmanî yên serbixwe û aktîv heye ku piştgiriyê bidin rêveçûna edaleta pêvajoya veguhêz, hawîrdoreke siyasî û qanûnî ya guncaw pêk bê, ji bo hesabpirsîn û rêzgirtina mafên mirovan di çarçoveya serweriya Sûriyeyê de.

Piştre kesên amade li ser girîngiya rola jinan di vê pêvajoyê de axivî û destnîşan kir ku hêza jinan heye ku hevsengiyeke civakî çêke û edaletê pêk bîne.

Di dawiya panelê de jinan berdewamkirina binpêkirinan digel nebûna çareseriyeke siyasî ya rasteqîn ji hêla pergalên hakim û aliyên li Sûriyeyê xwedî bandor in şermezar kir û got ev yek êşên Sûriyeyiyan kûrtir dikin û rêveçûna edaletê asteng dikin.

(mh/fr)

ANHA