Ji bo Netanyahu biryara girtinê hate dayîn
Dadgeha Ceza ya Navneteweyî ji ber sûcên li dijî mirovahiyê û sûcên şer ên li Xezayê, biryara girtina serokwezîrê Îsraîlê Benyamîn Netanyahû da.
Dadgeha Ceza ya Navneteweyî (ICC) ku navenda wê li Laheyê ye, daxuyaniyek da.
Di daxuyaniyê de hate gotin: “Li gorî belgeyên ji aliyê ofîsa me ve hatine komkirin û lêkolînkirin, serokwezîrê Îsraîlê Benyamîn Netanyahu û wezîrê parastinê yê Îsraîlê Yoav Gallant herî kêm ji 8’ê Cotmeha 2023’yan ve li xaka dewleta Filistînê ji ber sûcên şer û sûcên li dijî mirovahiyê, xwedî berpirsyarî ne.”
JI BO RÊVEBERÊN HEMASÊ DAXWAZA GIRTINÊ
Dozgerê dadgehê ji bo rêveberên Hamasê jî ji ber sûcên li dijî mirovahiyê û yên li Xezeyê kirine, daxwaza girtinê kir.
Her wiha wezîrê parastinê yê Îsraîlê Yoav Galland nerazîbûn nîşanî biryarê da û got: “Nîşaneya bêedaletî û têkçûna exlaqî ye ku lîderên welatekî demokratîk ên ji bo parastina xwe tê dikoşin û lîderên rêxistineke terorîst û xwînrij mîna hev bêne nîşandan.”
