Hêzên Rizgariya Efrînê lê da: 9 çete hatin kuştin
Di çalakiyên Hêzên Rizgariya Efrînê yên 29-31’ê Tîrmehê de li Şêrawa, Bab û Ezazê 9 çeteyên dewleta Tirk a dagirker hatin kuştin û 8 çete jî birîndar bûn.
![Hêzên Rizgariya Efrînê lê da: 9 çete hatin kuştin](https://hawarnews.com/kr/uploads/images/202408/image_870x_66ac98c8a392c.jpg)
Hêzên Rizgariya Efrînê (HRE) li hember çeteyên dewleta Tirk a dagirker çalakiyên xwe didomîne.
HRE’yê daxuyand ku li Şêrawa ya Efrînê, Bab û Ezazê li dijî çeteyan çalakî li dar xistine û di çalakiyan de 9 çete hatine kuştin û 8 çete jî birîndar bûne.
Di dewama daxuyaniya HRE’yê de ev agahî hatin dayîn:
“29’ê Tîrmehê li xeta Babê tîmeke me ketin nava çeperên dijmin. Li wê derê bi awayekî bibandor li dagirkeran xistin. Mevzî û çeper bi temamî hatin îmhakirin. Di vê çalakiyê de 5 çete hatin kuştin û 6 çete birîndar bûn.
30’ê Tîrmehê 2 çalakiyên sekvanî li xeta Ezazê li dar ketin. Di encama van çalakiyan de 2 çeteyên dagirker hatin kuştin.
31’ê Tîrmehê li xeta Şêrewa di navbera gundê Kefer Nebo û Birc Heyder de hêzên me bi çalakiyeke taybet li kombûna dagirkeran xist. Di çalakiyê de 2 çete hatin kuştin û 2 çete jî birîndar bûn.”