Hewldana ketina çeteyan li gundê Buwêhic hat têkbirin
Şervanên Hêzên Cebhet El Ekrad hewleda ketina çeteyên dewleta Tirk a dagirker li gundê Buwêhic ê rojavayê kantona Minbicê têk bir.
Navenda Ragihandinê ya Meclisa Leşkerî ya Minbicê diyar kir ku çeteyên artêşa Tirk a dagirker saet 4:30ˊan vê êvarê hewl da ji gundê Kirêdiyê bikevin gundê Buwêhic ê li rojavayê kantona Minbicê.
Li gorî navendê, şervanên Hêzên Cebhet El Ekrad tevgera çeteyan şopand û nêzî saetekê bi çekên navîn û giran şer derket û hewldan hat têkbirin. Her wiha piştî gelek çete birîndar bûn, çete revîn.
(fr)
