Gelê Rojava li 7 bajaran berê xwe dide qadên Newrozê

Xelkê Cizîrê yên bajarên Hesekê, Dirbêsiyê, Til Temir, Zirgan, Amûde, Qamişlo û Tirbespiyê berê xwe didin qada Newrozê û dê bi dirûşmeya "Ji Rêber Apo re Azadî û Newroza Yekîtiya Demokratîk a Kurd" Newrozê pîroz bikin.

KURDISTAN

24 adar, 2026 09:41

NAVENA NÛÇEYAN

Li bajarê Hesekê û gundewarên wê bi hezaran di saetên sibehê de berê xwe dan qada Newrozê. Ew ê li bendava dikeve rojhilatê Hesekê Newrozê pîroz bikin. Şêniyên Dirbêsiyê, Zirgan, Til Temir jî dê li gundê Çolbistan Newrozê pîroz bikin.

Gelê Kurd cilûbergên kurdî li ber xwe kirine û qadên Newrozê bi sembolên Kurdî û wêneyên şehîdan xemilandin. Her wiha wêneyên şehîdên berxwedana Şêx Meqsûd li qadên Newrozê hatine bilind kirin.

Di Newroza Rojava de bi dirûşmeya "Ji Rêber Apo re Azadî û Newroza Yekîtiya Demokratîk a Kurd" dê agirê Newrozê dadin.

Pîrozbahiya Newrozê li Hesekê dê saet 10:00 destpê bike. Xelkê Qamişlo li stadyoma Şehîdên 12`ê Adarê, Tirbespiyê li gundê Dîrêcîkê û Amûde li gundê Çaxir Bazar dê saet 11:00 destbi pîrozbahiya Newrozê bikin.

Li Rojava pîrozbahiyên Newrozê ji ber baranê ji 21`ê Adarê talokî 24`ê Adarê hatibû kirin.

(np)

ANHA

DIRBASIYE

HESEKÊ