Foca Agirkujiyê ya Dêrazorê 18 nuqte ji bo şewatan ava kirine

Foca Agirkujiyê ya Dêrazorê amadekariyên xwe yên ji bo parastna zeviyan ji şewatan temam kirin û 18 nuqteyên agirkujiyê bi tevahî pêwîstiyan wan li seranserî bajarokên kantonên ava kirin.

ROJANE

1 hezîran, 2025 22:31

DÊRAZORÊ

Di çarçoveya amadekariyên Foca Agirkujiyê ya Dêrezorê, ji bo parastina zeviyan ji şewatan de, focê ragihand ku ew ji bo rewşeke metirsîdar û ji bo parastina zeviyan ji şewatan di serferberiyê de ne.

Foca Agirkujiyê ya kantona Dêrazorê 18 nuqteyên agirkujiyê li herêmên cuda yên gundewarê rojava, rojhilat û bakur ava kirin, her wiha di wan nuqteyan de erebeyên agirkujiyê, avlavên nûjen û kadroyên perwerdekirî hatine zêdekirin.

Rêveberê Foca Agirkujiyê ya Dêrezorê Ehmed El Mislit diyar kir ku ji bo rewşên awarte û parastina zeviyan ji şewatan amadekariyên xwe pêk anîne..

El Mislit diyar kir ku ji bilî van amadekariyan, jimarên dewriyeyan li ser platformên medyaya civakî û di nava meclisên xwecihî de hatin belavkirin, broşorên hişyariyê ji bo neavêtina dûvikên cixareyan û agir li nêzî zeviyên neyên pêxistin, hatine belavkirin.

Bi nêzîkbûna mewsima çinînê re, focê nêzî 10 şewatên li zeviyên genim û ceh hatine çandin, vemirandine.

(ac/fr)

ANHA