Dîmenên dibistanên ji ber êrişên dagirkeriyê zirar dîtine

Mîna her salê di 25′ê Kanûnê de ji bo pîrozbahiyên Cejna Noelê dibistanê tatîl dike, lê îsal betlaneya dibistanan di vê rojê de ji hêla artêşa Tirk a dagirker ve hatin bombebarankirin û zirarên mezin dîtin.

Dewleta Tirk a dagirker di roja Cejna Noelê de êrişên xwe li dijî Herêma Bakur û Rojhilatê Sûriyeyê li dijî Qamişloyê bi rêya balafirên bêmirov zêde kirin, binesazî, saziyên xizmetguzarî, mal û milkên welatiyan kirin armanc, heta dibistan û baxçeyên zarokan jî hatin bombebarankirin.

Desteya Perwerdê û Fêrkirinê ya Herêma Bakur û Rojhilatê Sûriyeyê bi daxuyaniyekê aşkera kir ku di encama êrişên dewleta Tirk a dagirker de 712 dibistan ji xizmetê derketin, 89 hezar û 418 xwendekar ji xwendinê mehrûm bûn, dagirkeriyê li kantona Cizîrê 5 dibistan yekser kirine armanc. Her wiha li kantonên Firat, Efrîn û Şehbayê jî xebata perwerdê hate sekinandin.

Ajansa me zirarên bi 3 dibistanên li Qamişloyê bûne şopandin; Dibistana Îbrahîm Henano li taxa Meyselon, Dibistana Lehdo Mesûd li taxa Mehete ya Qedîm (stasyona kevn) û Dibistna Bint Cibêl li taxa Elaya.

Dibistana Lehdo Mesûd hema bi çend metreyan nêzîkî Çapxaneya Sîmav a ku balafira bêmirov bombebaran kiriye, ye. Di encama bombebaranê de gelek odeyên havînê yên dibistanê zirar dîtin, camên pencereyan şikestin û ji xizmetê derkete.

(fr)

ANHA